لاہور:22دسمبر23ء(پلیئرزڈاٹ پی کے/سپورٹس رپورٹر) پنجاب پولیس انٹر رینج ہاکی چیمپین شپ کے پہلے سیمی فائینل میں لاہور رینج نے ڈی جی خان رینج کو چھ گول سے شکست دیکر فائینل کھیلنے کا اعزاز حاصل کرلیا، دوسرا سیمی فائینل آج سرگودھا رینج اور ساہیوال رینج کے مابین کھیلا جائیگا. ایونٹ کا فائینل 23 دسمبر کو کھیلا جائیگا.
انسپکٹر جنرل آف پولیس پنجاب ڈاکٹر عثمان انورکے پنجاب پولیس میں سپورٹس کلچر ڈویلپمنٹ ویژن کے تحت نیشنل ہاکی سٹیڈیم آسٹروٹرف گراؤنڈ پر جاری پنجاب پولیس انٹر رینج ہاکی چیمپین شپ کے پہلے سیمی فائینل کا فیصلہ ہوگیا.لاہور رینج نےڈیرہ غازی خان رینج کو چھ گول سے شکست دیکر ایونٹ کا فائینل کھیلنے کا اعزاز حاصل کرلیا. لاہور رینج کی جانب سے کپتان انسپکٹر مسعود الرحمٰن نے دو گول سکور کئے جبکہ عاطف بیگ، ذیشان، عمران اظہر اور شہباز احمد نے ایک، ایک گول سکور کیا. میچ کے مہمان خصوصی ڈی ایس پی تاثیر ڈار تھے. معزز مہمان خصوصی کا سٹیڈیم آمد پر شایان شان استقبال کیا گیا اور کھلاڑیوں سے متعارف کرایا گیا.
ایونٹ کا دوسرا سیمی فائینل آج سرگودھا پولیس رینج اور ساہیہوال رینج کے مابین کھیلا جائیگا جبکہ ایونٹ کا فائینل کل 23 دسمبر کو کھیلا جائیگا.
